“Компьютерийг эхнээс нь зөв ашиглах гарын авлага” номын II хэвлэл гарлаа

 

Мэргэжлийн зураг засвар-PhotoshopCS5

Дэлхийн растр зургийн хаан Photoshop програмын хамгийн сүүлийн хувилбар PhotoshopCS5 Extended-ын нэн шинэ нууцыг монголчууддаа анх удаа задлан дэлгэсэн, өмнө хэвлэгдээд зарагдаж дууссан бие дааж үзэх энэхүү  сурах бичгийг сайтыг хөтлөгч Л.Даваасүрэн миний бие  хагас жил гаруйн турш хичээнгүйлэн шинэчлэн бичиж хэвлүүллээ.

Энэ цагаас эхлэн дижитал гэрэл зураг авах, хэвлэлийн эх бэлтгэлд зориулан зургийг хэрхэн засах, хуучирч муудсан гэрэл зургийг сэргээн засч өнгө оруулах болон богино хэмжээний видео кино бүтээх, дижитал уран зураг зурах, 3D дүрс бүтээж түүнийгээ график дизайнд ашиглах, шинжлэх ухааны ном хэвлэлийн зураг чимэглэлийг орчин үеийн түвшинд бүтээн туурвих боломжийг эх орон нэгтнүүдэд маань энэ сурах бичиг олгох болно.

Ер нь бол энэ номын эхний хэсэг нь монголд анх удаа дижитал гэрэл зургийн онол, дижитал камерын бүтэц ажиллагаа, зураг авах техникийг үзүүлсэн бол, номын дийлэнх хэсэг нь нэгэнт авсан зургийг хэрхэн мэргэжлийн түвшинд засч сурах вэ гэдгийг онол практикийг хослуулан маш ойлгомжтойгоор өгүүлсэн юм.

Нийт 416 нүүртэй ба үүний 96 нь өнгөт, В5 форматаар нэлдээ матун цаасаар хэвлэгдсэн тул зураг засварын жишээг өнгө ялган үзэж суралцах боломжтой.

Бие даан судлах сурах бичгийн зохиогчоос авах үнэ 22.000 төгрөг.

“Хэвлэлийн график дизайн ба CorelDRAW X6/Illustrator CS5″ ном шинээр гарна!

Лого буюу бэлэг тэмдэггүй байгууллага гэж нэгээхэн ч үгүй билээ. Тэгвэл логог зохиох нь хэвлэлийн график дизайны захиалгын томоохон хэсэг юм. Өнөөдөр сайн лого 500000-аас сая төгрөгөөр ч үнэлэгдэх нь бий. Өнөөдөр жишээ нь Нийслэл хотноо байгуулагдах Үндэсний цэцэрлэгт хүрээлэнгийн логоны уралдааны тэргүүн байрын шагнал 500000 төгрөг гэж байна. Түүнээс гадна барааны хаяг шошго гэж сэтгэж чаддаг дизайнеруудын халаасыг түнтийлгэдэг нэг ажил байна. Нэгэн брэнд архины шошго 5 сая төгрөгөөр үнэлэгдсэнийг би мэдэх юм.
Харин логог зохиохдоо ямар програм хэрэглэдэг вэ гэвэл CorelDRAW эсвэл Illustrator хэмээн монголын дизайнерууд нэгэн дуугаар хэлэх байх аа.

Тэгвэл манай дизайнерууд энэ програмд шамдан суралцсаны үрээр Л.Даваасүрэн миний 2007 онд гуравдахь удаагаа дахин засварлаж хэвлүүлсэн “Хэвлэлийн график дизайн ба CorelDRAW Х3″ хэмээх сурах бичиг зарагдаж дуусаад хэдэн сарын нүүр үзэн хүмүүсийн эрэл сурал болоод байгаа юм. Гэтэл саяхан CorelDRAW Х6 гэсэн хамгийн сүүлийн хувилбар нь гарах гээд дэлхий дахины өргөн олны анхаарлыг татаж байна.

Одоо сурч эзэмшихэд хамгийн хялбар  CorelDRAW Х6 цоо шинэ хувилбар дээр болон, нэлээд хэцүү гэхдээ зарим талаараа давуу Illustrator CS5 дээр суурилан гадаад, дотоодын вектор графикчдын ажлын шилдэг жишээнүүдийг ашиглан “Хэвлэлийн график дизайн ба CorelDRAW Х6/Illustrator CS5 ” хэмээх сурах бичгийн 4 дэх хэвлэлийг бичих ажилд миний бие ороод байгаа бөгөөд энэ өвөл гэхэд та бүхэн цоо шинэ хувилбарыг хүлээн авах болно.

Номны маань нүүр иймэрхүү байдалтай байх гэж төсөөлж байна.

Та бүхэнтэйгээ ээлжит шинэ бүтээлээрээ эргэн уулзахын ерөөл дэвшүүлье.

Зохиогч Л.Даваасүрэн

CorelDRAW програмыг жинхэнэ утгаар нь бүрэн эзэмшсэн зураач, дизайнер хүн ямархан гайхамшиг бүтээж болохыг нэг бус жишээгээр интернетээс үзэж болно.

InDesign CS/CS2-Эх бэлтгэлийн стандарт

Бүх нийтийг компьютержүүлэх хөдөлгөөн монголчуудад ертөнцийг нээх нэгэн алхам болсонтой хэн ч маргахгүй билээ. Тэгвэл одоо ном хэвлэл эрхлэн нйитлэгч хэн бүхнийг InDesign-жуулах асуудал яахын аргагүй тулгарлаа. Учир нь дэлхийн бүх хэвлэлийн газар номын эхийг гагцхүү энэ програм дээр л хүлээн авч байна. Харин манай монголын зарим номын зохиогч нар хэн нэгэнд мөнгө төлж Microsoft Word програмд номынхоо эхийг бэлтгүүлээд тэрийг нь аль нэгэн хэвлэлийн газрын эх бэлтгэгч, дизайнер InDesign програмд хөрвүүлэх гэж тамаа цайсаар л байна. Уг нь ном хэвлэн нийтлэгч маань сурч амжихгүй юмаа гэхэд мөнөөх эх бэлтгэгч нэр зүүсэн Microsoft Word-оосоо илүү гарч чадаагүй этгээдүүд энэ програмд суралцсан бол зохиогч эх бэлтгэлийн зардлыг хоёр удаа төлөхгүй юмсан даа.

Ер нь бол хэрхэн энэхүү орчин үеийн эх бэлтгэлийн стандартад хүн төрөлхтөн хүрсэн тухай үүх түүх, эх бэлтгэх технологийн нарийн учир шалтгааныг миний бие дараа гарах нийтлэлүүдээрээ уншигч та бүхэндээ хүргэх болно.

Энэ удаа харин 2006 онд зохиож  гаргаад эдүгээ монголын хэвлэлийн эх бэлтгэлийн практикт нэгэнт шинэ стандарт болсон InDesign CS/CS2 сурах бичгээ эрин үеэсээ хоцрохгүйсэн гэх сэтгэлтэй хэн бүхэнд зориулан толилуулж байна.

Нийт 360 нүүртэй бөгөөд өнгөний онол, треппинг хийх жишээг өнгөт хавсралтаар үзүүлсэн, В5А форматаар хэвлэгдсэн эх бэлтгэлийн бодит жишээ бүхий ном юм.

Бие даан судлах сурах бичгийн зохиогчоос авах үнэ 15.000 төгрөг.