Дэлхийн шилдэг “Фотошопч”-оор монгол залуус шалгарлаа

Дэлхийн шилдэг “Фотошопч”-дын тоонд монгол залуу хос зүй ёсоор орлоо. Үүний учир юу гэвээс Калифорнийн алдарт Цахиурын хөндийн Сан Хосе хотноо төвлөрдөг “Адобе”  компанийнхан Aмерикийн Лас Вегас хотноо тив тивийн Компьютерийн графикийн мэргэжилтэн хэрэглэгчдийнхээ дунд Photoshop-ын сургалт, шоу зохион байгуулах чуулганыг зохион байгуулахын сацуу шилдэг уран бүтээлийн “Guru Awards” уралдаан явуулдаг уламжлалтай болоод 15 жилийг элээж буй юм. Энэ жилийн уламжлалт чуулган Лас Вегас хотын алдарт “Мандалай Бэй Ресорт” зочид буудалд 10 сарын 1-3 өдрүүдэд явагджээ. http://www.photoshopworld.com

Тэгвэл Монголын Дүрслэх урлагийн дээд сургуульд график дизайнер, СУИС-д хувцас дизайнерээр тус тус суралцаж төгсөөд АНУ-ын “Cuyahoga falls”-ийн урлаг, дизайны сургуулийг дүүргэж, улмаар “Kent State”-ийн их сургуульд компьютер график дизайн болон 3D animator инженерээр сурч 2006 онд амжилттай төгссөн Чулуунбатын ГАНБОЛД энэ жилийн дээрх уралдааны тэргүүн шагналыг хүртлээ. Тэрээр YАHOO! Inc группийн салбар компанид ороод гурван жил болж байгаа бөгөөд реклам сурталчилгааны албанд нь хөдөлгөөнт баннер сурталчилгааны ажил хийдэг ажээ.

Түүний ур ухаанаа шингээн хийсэн олон веб сайт Интернэт ертөнцөд Монгол гэдэг өнгө төрхийг нэр төртэй төлөөлдөг билээ. Тэрээр АНУ-ын “Digital Day Greative” группт аниматороор ажиллаж байхаасаа эхлээд “CNN”, “CNBC” зэрэг олон мэдээллийн компанын реклам сурталчилгааг хийдэг байжээ. Ганболдын бүтээсэн “SMACKER’S”, “Pillsbury”, “JIF” гэх мэт компанын реклам “Yahoo”-д тавигддаг байсан тул “Yahoo”-гийн сурталчилгааны албаныхан үзээд түүнийг ажиллаач гэсэн хүсэлт ирүүлжээ.

Ганболдын эхнэр Г.Дариа 2004 онд Бээжинд дүрслэх урлагийн сургууль төгсөж, мөн “Kent State”-ийн их сургуулийг дүүргэжээ. Тэнд сурч байхдаа “Vera Wang”-ийн “Bridle Luxe”-д туслах дизайнерээр хэдэн cap ажилласны дараа мөнөөх “Digital Day Greative”-д график дизайнерээр нөхөртэйгөө цуг ажиллаж байхад нь “Yahoo”-гоос санал тавиад хамтдаа оржээ.

Том Шенли гэгч Америк зохиолч Чингис хааны амьдрал, түүхийн тухай ном бичиж, Ганболдыг монгол хүн учраас уг сэдвийг илүү сайн мэднэ гэж үзээд номынхоо дизайныг өнгөрсөн онд хийлгэсэн юм байна. Түүнээс гадна АНУ-д бизнес хийдэг монголчуудаас хамтарч ажиллах, реклам сурталчилгаа, вэб дизайн, график хийлгэх ажлын санал их ирдэг, түүнийг нь энэ хос чөлөөт цагаараа хийдэг юм байна. Тэдгээрийг нь http://www.ganbold.com/ сайтаас үзнэ үү.

Лас Вегас хотноо уламжлал ёсоор болсон энэ жилийн дэлхийн “Фотошопч”-дын нийт долоон төрөлд зохион байгуулагдсан тэмцээний хамгийн өрсөлдөөнтэй явагддаг эвлүүлгийн төрөлд 1000 орчим мэргэжлийн графикч оюун ухаанаа уралдуулжээ. Ч.Ганболд байгаль орчин, дэлхийн цөлжилттэй холбоотой дараах бүтээлээрээ энэхүү уралдаанд оролцон түрүүлжээ. (Зураг дээр: “Guru Awards” уралдаанд түрүүлсэн Ганболдын 3D бүтээлээс )

Мөн чуулганы хамгийн сүүлийн өдөр болсон “iStokcphoto” компанийн нэрэмжит “Фотошоп”-ын урлан дизайны салбар тэмцээнд Г.Дариа 200 гаруй мэргэжилтнээс шалгарч, тэргүүн байр эзэлжээ.

Графикчин хос АНУ-ын Охайо мужийн Акрон хотноо амьдардаг юм байна.

Ер нь энэ хоёроос гадна “Yahoo”-ийн төв оффист Мягмарын Сувдмаа гэж их чадварлаг програмист монгол бүсгvй ажилладаг төдийгүй  зөвхөн Америкт гэлтгүй дэлхийн олон салбарт нь манай монгол залуучууд ажилладаг ажээ.

http://www.photoshopworld.com/guru/winners.html сайтаас уг уралдааны шагналтнуудын бүтээлийг үзээрэй.

Ганболдын зарим бүтээл

Сурталчилгаа

Зургийг тодруулах засвар

Манай уншигч Ганбат гэдэг залуу миний “Мэргэжлийн зураг засвар ба Photoshop” номыг худалдан аваад ашиглах гэтэл дараах асуудал тулгарчээ. Үүнд: Би таны номонд заасан Photoshop CS4-н  “Edit>Fade Unsharp Mask” гэдэг хэсгийг хайгаад олохгүй юм яаж гаргах вэ хэмээн мессежээр асуужээ.

Зургийг тодруулах өөрөөр хэлбэл зургийн деталь эд хэсгийг нүдэнд ил тод ялгарч харагдахаар болгохын тулд Filter >  Unsharp Mask гэдэг фильтерийг хэрэглэдэг. Харин энэ үйлдлийн дараа л  Edit цэсээр ороход Fade Unsharp Mask гэсэн цэс бий болдог. Өөрөөр хэлбэл Unsharp Mask хэрэглээгүй байхад зөвхөн Fade… гэсэн хаяг л байх бөгөөд тэрээр ер идэвхжээгүй байдаг. Учир нь зургийг тодруулах эффект хийгдсэний дараа дүрсний ирмэг хөвөөний пикселүүдийн хэт тодролыг арай зөөллөх зорилгоор уг Fade Unsharp Mask цэс идэвхждэг билээ. Одоо ингээд Fade Unsharp Mask цэсээр орж Fade ажлын цонхны Opacity нүдэнд  70% гэж ч юмуу аваад өнгө нэвчүүлэх Multiply горимыг ашиглавал зургийн тодрол зөв болно. Амжилт хүсье.

fade